हजारौको सहभागितामा काँग्रेसको आमसभा, कम्युनिष्ट शासन आए मुलुक बर्बाद – देउवा

राष्ट्र न्यूज सम्वाददाता
मंसिर १३, २०७४
DSC00182

पोखरा, १३ मंसिर। नेपाली काँग्रेसका सभापति एवं प्रधानमन्त्री शेरबहादुर देउवाले कम्युनिष्ट शासन स्थापित भए मुलुक बर्बाद हुने बताएका छन्।

कम्युनिष्ट मिलेर तानाशाही शासन ल्याउन खोज्दैछन् उनले भने – ‘कम्युनिष्ट शासनमा बोल्न, लेख्न र अन्याय भयो समेत भन्न पाईदैन, जनता डराउनुपर्छ।’

कम्युनिष्टले लोकतन्त्र मास्न खोजेकोभन्दै जनता एकजुट हुनुपर्नेमा उनले जोड दिए। उनले जनतालाई मालिक बनाउने काम काँग्रेसले गरेकोभन्दै ढुक्क भएर विश्वास गरी जिताउन आग्रह गरे।

नेपाली काँग्रेस कास्कीले पोखराको अमरसिंहचौरमा बुधबार आयोजना गरेको चुनावी आमसभालाई सम्बोधनगर्दै सभापति देउवाले कम्युनिष्ट शासन आर्थिक विकासको पनि बाधक हुने स्पष्ट पारे।

कम्युनिष्ट शासनका कारण स्वदेशी तथा विदेशी लगानीकर्ता आकर्षित नहुनेभन्दै त्यस्तो अवस्थामा आर्थिक विकास ठप्प हुने उनको भनाई थियो।

उनले अहिलेको निर्वाचन लोकतान्त्रिक शासन र कम्युनिष्ट शासन व्यवस्था बीचको प्रतिष्पर्धा भएको उल्लेख गरे।

बरिष्ठ नेता रामचन्द्र पौडेलले बामगठबन्धनले विश्वमा हराइसकेको साम्यवाद नेपालमा ल्याउन खाजेर मुलुकलाई प्रयोगशाला बनाउन खोजेको बताए।

बामगठबन्धन मुलुक, जनता र लोकतन्त्रको हितमा नरहेको उनको भनाई छ।उनले नेपालका कम्युनिष्ट चरम अवसरवादी र महत्वकांक्षी भएको टिप्पणी गरे।

नेपाली काँग्रेसका महामन्त्री डा शसांक कोइरालाले काँग्रेसको पक्षमा देशभर लहर आइरहेको बताए।

आमसभामा काँग्रेसका केन्द्रीय सदस्यहरु बालकृष्ण खाँड, डा रामशरण महत, धनराज गुरुङ, आमन्त्रित केन्द्रीय सदस्य सूर्यबहादुर केसी, कुमार खड्का, नेता विनोद चौधरी लगायतले बोलेका थिए।

Related News

सम्बन्धित समाचार

  • रोजगारी उपलब्ध गराउन पोखरा १३ मा जब फेयर

    राष्ट्र न्यूज सम्वाददाता फागुन १८, २०८०
    पोखरा, १८ फागुन । पोखरा १३ मा जब फेयर सम्पन्न भएको छ । पोखरा महानगरपालिका वडा नं. १३ कार्यालयको आयोजनामा…
  • डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे

    राष्ट्र न्यूज सम्वाददाता फागुन ६, २०८०
    पोखरा,६फागुन। डेमोक्रेटिक एग्रिकल्चरिष्ट एशोसिएसन नेपाल गण्डकी प्रदेश समितिको अधिवेशनले शम्भुराज पाण्डेको संयोजकत्वमा सात सदस्यीय कार्यसमिति चयन गरेको छ । समितिको…
  • जुवा खेलिरहेका सात जना पक्राउ

    राष्ट्र न्यूज सम्वाददाता माघ २१, २०८०
    पोखरा, २१ माघ । प्रहरीले पोखरामा जुवा खेलिरहेको अवस्थामा सात जनालाई पक्राउ गरेको छ । पोखरा म.न.पा. वडा नं.१२ अमरसिंह…
  • कास्कीमा सात पत्रकार सम्मानित

    राष्ट्र न्यूज सम्वाददाता माघ १२, २०८०
    पोखरा, १२ माघ । नेपाल पत्रकार महासंघ कास्कीले आयोजना गरेको पत्रकारिता पुरस्कार अर्पण समारोहमा सात पत्रकार सम्मानित हुनुभएको छ ।…
  • सेती नदीमा मिश्रको शव भेटियो

    राष्ट्र न्यूज सम्वाददाता मंसिर २८, २०८०
    पोखरा, २८ मंसिर । मंसिर २५ गतेदेखि हराइरहेका एक युवकको आज शव भेटिएको छ । तनहुँ स्थायी घर भई हाल…

Archives

Archives