पोखरा, २३ माघ। नेपाल विद्यार्थी संघका विद्यार्थीहरुले अहिले जिल्ला प्रहरी कार्यालय कास्कीमा धर्ना दिएका छन्।
दोषीमाथि कारवाही र क्षतिपूर्तिको मागगर्दै विद्यार्थीहरुले धर्ना दिएका हुन्। प्रहरीले आफ्ना साथीहरुलाई धरपकड गरेकोभन्दै विद्यार्थीले त्यसको विरोधगर्दै नाराबाजी समेत गरेका छन्।
अब जिल्ला प्रहरी कार्यालय कास्की केन्द्रीत भएका छौं विद्यार्थी नेता समित केसीले भने – ‘प्रहरी प्रशासनलाई संयमित हुन आग्रह गर्दछौं।’
नगर बसको ठक्करबाट नेपाल विद्यार्थी संघका विद्यार्थी नेता बोधराज ढकालको मृत्यू भएपछि दोषीमाथि कारवाही र क्षतिपूर्तिको मागगर्दै विद्यार्थीहरुले आज बिहानैदेखि प्रदर्शन गरिरहेका छन्। ढकाल नेपाल विद्यार्थी संघ स्याङजा पृथ्बीनारायण क्याम्पस सम्पर्क समितिका सभापति पनि हुन्।
प्रदर्शनका क्रममा आज पोखराको पृथ्वीनारायण क्याम्पस क्षेत्रमा प्रहरी र विद्यार्थीवीच दर्जनौ पटक झडप भएको थियो। नेपाल विद्यार्थी संघले गरेको प्रदर्शनमा प्रहरीले हस्तक्षेप गरेपछि झडपको अवस्था सृजना भएको हो। अवस्थालाई नियन्त्रणमा लिनका लागिभन्दै प्रहरीले केहि सेल अश्रु ग्यास समेत प्रहार गरेको थियो।
प्रदर्शनका क्रममा विद्यार्थीहरुले आज पोखराममा नगर बस संचालनमा समेत अवरोध गरेका थिए। प्रदर्शनका क्रममा प्रहरी र विद्यार्थीबीच दोहोरो झडपहुदाँ केहि विद्यार्थीहरु घाइते भएको विद्यार्थी नेता दिनेश शर्माले बताए।
फोटो ः गण्डकन्यूज(अशोक बस्नेत)
Related News
सम्बन्धित समाचार
नेशनल क्रियशनमा शैक्षिक पुरस्कार वितरण
पोखरा १४ का केही स्थानमा टेलिफोन र इन्टरनेट सेवा अवरुद्व
रोजगारी उपलब्ध गराउन पोखरा १३ मा जब फेयर
डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे
जुवा खेलिरहेका सात जना पक्राउ
Archives
Archives