पोखरा, २६ फागुन। पोखरामा एक सय केजीको केक बनाइएको छ ।
पोखराको काठमाण्डौं फ्रेस बेकरी उद्योगका संचालक रोशन महर्जनले केक बनाएका हुन्।
पोखरामा शनिवार भएको लायन्स शत्वार्षिकी समारोह तथा नागरिक अभिनन्दन समारोहका लागि केक बनाइएको हो ।
उद्योग संचालक महर्जन लायन्स क्लब अफ पोखरा मुनालका अध्यक्ष समेत हुन्। सो समारोहका लागि उनले सो केक सौजन्य गरेका थिए ।
सो केकको मुल्य करिव एक लाख ५० हजार पर्ने बताइएको छ। ३४ घण्टा समय लगाएर केक बनाइएको हो।
चकलेट, क्रिम, वटर, सुगर, मैदा र अण्डा लगायतका सामाग्री प्रयोग गरी केक बनाइएको महर्जनको भनाइ छ।
केकको लम्बाई आठ फिट, चौडाइ चार फिट र उचाइ १० इञ्च छ। शत्वार्षिकी समारोह तथा नागरिक अभिनन्दन समारोहमा सो केक सबैका लागि आकर्षण बन्यो। उपराष्ट्रपति नन्दकिशोर पुनले सोहि केक काटेर समारोह उद्घाटन गरेका थिए ।
केकसँग फोटो खिच्नका लागि सैयौको संख्यामा भिड लागेको थियो । समारोहका सहभागिलाई ६ जनाले दुई घण्टा समय लगाएर केक काटी वितरण गरेका थिए। केक आठ जनाले बोकेर समारोहमा पु¥याएका थिए ।
Related News
सम्बन्धित समाचार
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
सोंथर बेँसी मेलाको तयारी तिव्र
हेम्जा वोर्डिङको फागुनमा वार्षिकोत्सव
Archives
Archives