किन र कसरी हत्या भयो पाँच वर्षिया बालिकाको ?, मन्त्री भन्छन् – ‘सबै ठाउमा प्रहरी परिचालन गर्नुहोस्।’

राष्ट्र न्यूज सम्वाददाता
चैत्र १२, २०७४
Murder

पोखरा १२ चैत । खेलौनाको निहुमा एक अवोध वालिकाले ज्यान गुमाएको घटनाप्रती चार नं प्रदेशका आन्तरिक मामिला तथा कानून मन्त्री हरीवहादुर चुमानले गंभिर चासो देखाएका छन् ।

घटनाको जानकारी पाउनासाथ मन्त्री चुमानले सोमवार प्रदेश प्रहरी प्रमुख कमल सिंह वमलाई घटनाको गंभिरतापुर्वक अनुसन्धान गर्न निर्देशन दिए ।

विहानको विद्यालय जाने समय र वेलुका साँझको समयमा यस्ता गंभिर प्रकृतीका घटना वढी घट्ने गरेको पाईएको भन्दै मन्त्री चुमानले उक्त समयमा चनाखो पुर्वक प्रहरी परिचालन गर्न प्रदेस प्रहरी प्रमुख वमलाई निर्देशन दिएका हुन् ।

‘एकतर्फी रुपमा भएको उक्त घट्ना अत्यन्त दुखद छ , शान्ती सुरक्षालाई थप सुदृढ वनाउन चनाखो पुर्वक सवै ठाउमा प्रहरी परिचालन गर्नुहोस’ प्रदेश प्रहरी प्रमुख वमसँगको कुराकानीमा मन्त्री चुमानले भने । उनले सुरक्षा व्यवस्थालाई थप सुदृढ वनाउनका लागी तदारुकताका साथ लाग्न सुरक्षा निकायलाई आग्रह गरे ।

पोखरा–लेखनाथ महानगरपालिका वडा नं ९, नयाँबजारमा रहेको निट एण्ड क्लिन सर्भिस प्वाइन्टमा काम गर्ने १४ वर्षीय पुन थरका एक किशोरले पाल्पा घर भै पोखरा–लेखनाथ महानगरपालिका–९, निवासी बिना थापाकी ५ वर्षीया छोरी बिहानी थापाको आईतवार हत्या गरेका थिए ।

प्रहरीका सामू हत्या अभियोग स्वीकार गरेका अभियुक्त पुनले रिमोटबाट चल्ने खेलौना खेल्ने क्रममा खोसाखोस हुँदा खेलौना आफ्नो हातमा पार्न बालिका विहानीलाई ढुंगाले टाउकोमा प्रहार गरेका थिए ।

ढुंगाले हानेपछि विहानीको टाउकोबाट रगत आयो र रुनरकराउन थालिन्, त्यहीँ बेला किशोरले विहानीको आमाले थाहा पाए आफूलाई पिट्ने सोचेर नजिकैको खाली बोराले घाँटी कसेर हत्या गरेको अभियुक्त पुनले प्रहरी समक्ष वयान दिएका छन् ।

साँझ सात वजे हराएकी विहानीको वेलुका १० वजे शव भेटिएको थियो ।

Related News

सम्बन्धित समाचार

  • रोजगारी उपलब्ध गराउन पोखरा १३ मा जब फेयर

    राष्ट्र न्यूज सम्वाददाता फागुन १८, २०८०
    पोखरा, १८ फागुन । पोखरा १३ मा जब फेयर सम्पन्न भएको छ । पोखरा महानगरपालिका वडा नं. १३ कार्यालयको आयोजनामा…
  • डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे

    राष्ट्र न्यूज सम्वाददाता फागुन ६, २०८०
    पोखरा,६फागुन। डेमोक्रेटिक एग्रिकल्चरिष्ट एशोसिएसन नेपाल गण्डकी प्रदेश समितिको अधिवेशनले शम्भुराज पाण्डेको संयोजकत्वमा सात सदस्यीय कार्यसमिति चयन गरेको छ । समितिको…
  • जुवा खेलिरहेका सात जना पक्राउ

    राष्ट्र न्यूज सम्वाददाता माघ २१, २०८०
    पोखरा, २१ माघ । प्रहरीले पोखरामा जुवा खेलिरहेको अवस्थामा सात जनालाई पक्राउ गरेको छ । पोखरा म.न.पा. वडा नं.१२ अमरसिंह…
  • कास्कीमा सात पत्रकार सम्मानित

    राष्ट्र न्यूज सम्वाददाता माघ १२, २०८०
    पोखरा, १२ माघ । नेपाल पत्रकार महासंघ कास्कीले आयोजना गरेको पत्रकारिता पुरस्कार अर्पण समारोहमा सात पत्रकार सम्मानित हुनुभएको छ ।…
  • सेती नदीमा मिश्रको शव भेटियो

    राष्ट्र न्यूज सम्वाददाता मंसिर २८, २०८०
    पोखरा, २८ मंसिर । मंसिर २५ गतेदेखि हराइरहेका एक युवकको आज शव भेटिएको छ । तनहुँ स्थायी घर भई हाल…

Archives

Archives