ल्होछार बिदा कटौती विरुद्ध तमु धिं नेपालले आन्दोलन गर्ने

राष्ट्र न्यूज सम्वाददाता
वैशाख २२, २०७५
31945272_1984602264947863_20161529970163712_n

पोखरा, २२ बैशाख । तमु जातिको नयाँ वर्ष ल्होछार बिदा कटौती विरुद्ध तमु धिं नेपाल आन्दोलित हुने भएको छ ।

संघर्ष गरी ल्होछारमा प्राप्त एक दिन सार्वजनिक बिदा पनि कटौती गरी तमु जातिको नयाँ वर्ष अथवा पर्वको अपमान गरेको भन्दै तमु धिं नेपालले बिदा कटौती विरुद्ध आन्दोलन गर्ने निर्णय गरेको हो।

बिभेदमा पारिएको महसुस गरेका जनता, समुदाय, क्षेत्र, वर्गलाई संघीय लोकतान्त्रिक गणतान्त्रिक सरकारले अधिकार प्रदान गर्ला र सेवा सुविधा थपिदै जाला भनेको त ल्होछारमा प्राप्त बिदा पनि कटौती गर्नु दुखदायी भएको भन्दै आन्दोलनबाटै गुमेको बिदा स्थापित गर्ने तमु धिं नेपालकी अध्यक्ष कर्म तमुको भनाइ छ।

चाडपर्व बिदा कटौतीको नाममा ल्होछार बिदा कटौती गरिनु तमु जातिकै घाँटी निमोठे जस्तो हो, हामी सहन सक्दैनौं, आन्दोलनबाटै हिसाव किताव गर्ने उनले चेतावनी दिइन् ।

ल्होछार बिदा कटौती फिर्ता गर्न सरकारसँग माग गर्दछौं, हाम्रो अपेक्षा छ सरकारले सुन्नेछ, यदि सुन्दैन भने आन्दोलन गर्न बाध्य हुने अध्यक्ष तमुको भनाइ छ। ।

ल्होछार बिदा आन्दोलनका लागि अन्य तमु संघ संस्था र विभिन्न समुदायसँग छलफल अघि बढाइने छ।

यसरी नै तमु धिं नेपालले आफ्नो ३३ औं स्थापना दिवसको अवसरमा तमु धिं नेपाललाई विषेश योगदान दिने व्यक्तित्वहरुलाई सम्मान गर्ने निर्णय गरेको छ ।

आउदो जेठ पाँच गते स्थापना दिवसको अवसरमा तमु धिं नेपालका पुर्व व्यवस्थापन संयोजक तथा तमु सेवा समिति नयाँबजारका पुर्व अध्यक्ष पदमबहादुर गुरुङ, नापी कार्यालयमा कार्यरत तमु धिं नेपालको आजीवन सदस्य हुमबहादुर गुरुङ, पुर्व सभासद् डिवी नेपाली र बौद्व शिक्षामा विद्यावारिधी गरेका बौद्ध अर्घौ सदनका प्रमुख लामा खेन्पो सिर लामा गुरुङलाई सम्मान गरिने महासचिव गिरीप्रसाद गुरुङले जानकारी दिए ।

Related News

सम्बन्धित समाचार

  • रोजगारी उपलब्ध गराउन पोखरा १३ मा जब फेयर

    राष्ट्र न्यूज सम्वाददाता फागुन १८, २०८०
    पोखरा, १८ फागुन । पोखरा १३ मा जब फेयर सम्पन्न भएको छ । पोखरा महानगरपालिका वडा नं. १३ कार्यालयको आयोजनामा…
  • डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे

    राष्ट्र न्यूज सम्वाददाता फागुन ६, २०८०
    पोखरा,६फागुन। डेमोक्रेटिक एग्रिकल्चरिष्ट एशोसिएसन नेपाल गण्डकी प्रदेश समितिको अधिवेशनले शम्भुराज पाण्डेको संयोजकत्वमा सात सदस्यीय कार्यसमिति चयन गरेको छ । समितिको…
  • जुवा खेलिरहेका सात जना पक्राउ

    राष्ट्र न्यूज सम्वाददाता माघ २१, २०८०
    पोखरा, २१ माघ । प्रहरीले पोखरामा जुवा खेलिरहेको अवस्थामा सात जनालाई पक्राउ गरेको छ । पोखरा म.न.पा. वडा नं.१२ अमरसिंह…
  • कास्कीमा सात पत्रकार सम्मानित

    राष्ट्र न्यूज सम्वाददाता माघ १२, २०८०
    पोखरा, १२ माघ । नेपाल पत्रकार महासंघ कास्कीले आयोजना गरेको पत्रकारिता पुरस्कार अर्पण समारोहमा सात पत्रकार सम्मानित हुनुभएको छ ।…
  • सेती नदीमा मिश्रको शव भेटियो

    राष्ट्र न्यूज सम्वाददाता मंसिर २८, २०८०
    पोखरा, २८ मंसिर । मंसिर २५ गतेदेखि हराइरहेका एक युवकको आज शव भेटिएको छ । तनहुँ स्थायी घर भई हाल…

Archives

Archives