पोखरा, १८ साउन । पोखरा भाडा व्यवसायी संघले पोखरामा  शैक्षिक सामाग्री र वासएबल सेनेटरी प्याड वितरण गरेको छ ।

संघले पोखरा – २१ कृस्ति स्थित भविष्य निर्माण माविका विद्यार्थीहरुलाई शैक्षिक सामग्री र वासएबल सेनेटरी प्याड वितरण गरेको हो । त्यस्तै, संघले विद्यालयलाई एक÷एक थान भलिबल र बास्केटबल सहित नेट सहयोग गरेको छ । संघले करिब ६० हजार मूल्य बराबरका सामाग्री वितरण गरेको छ ।

कार्यक्रमका प्रमुख अतिथि युवा पत्रकार नवीन सिग्देल, पोखरा महानगरपालिका वडा नं २१ का वडाध्यक्ष खगराज आचार्य, संघका निवर्तमान अध्यक्ष कुश कार्की र सल्लाहाकार पुरुषोत्तम श्रेष्ठ लगायतले शैक्षिक सामाग्री र वासएबल सेनेटरी प्याड वितरण गरेका थिए ।

कार्यक्रममा बोल्दै युवा पत्रकार नवीन सिग्देलले सहयोग गर्नेहरुलाई समाजले स्मरण गरिरहने बताए ।

वडाध्यक्ष खगराज आचार्यले वडामा पढाई सुधार अभियान गर्न लागिएको जानकारी दिए ।

पोखरा भाडा व्यवसायी संघका सल्लाहाकार पुुरुषोत्तम श्रेष्ठले वितरण गरिएका सामग्रीको उपयोग गर्न आग्रह गरे ।

कार्यक्रममा विद्यालय व्यवस्थापन समितिका अध्यक्ष कमल भुजेलले विद्यालयमा शुक्रबार १२ बजे पछि मात्र संघ÷संस्थालाई कार्यक्रम गर्न दिइने निर्णय भएको जानकारी दिए ।

कार्यक्रमका लागि संघका सदस्य एवं डेज् फर गल्र्स पोखरा क्रिसका सुपर भोलेन्टियर कृष्णहरि पौडेलले सेनेटरी प्याड उपलब्ध गराएका थिए ।

उनले वासएबल सेनेटरी प्याडको प्रयोगले महिलाहरुमा महिनाबारी हुदाँको अवस्थामा अन्य प्याड प्रयोग गर्दाको तुलनामा खर्च कम हुने बताए ।

पोखरा भाडा व्यवसायी संघका अध्यक्ष देवबहादुर (डिबि) भुजेलको अध्यक्षतामा भएको कार्यक्रममा विद्यालयमा प्रधानाध्यापक राजेन्द्र सापकोटाले स्वागत र द्वितिय उपाध्यक्ष नरेन्द्रप्रसाद आचार्यले संचालन गरेका थिए ।