संस्थागत विद्यालय छात्रवृत्ति वितरणप्रति नेका वडाध्यक्षको आपत्ति

राष्ट्र न्यूज सम्वाददाता
श्रावण १९, २०७६
congress

पोखरा महानगरपालिकाको संस्थागत विद्यालय छात्रवृत्ति वितरणप्रति नेपाली काँग्रेसका तर्फबाट निर्वाचित ११ वडाध्यक्षहरुले आपत्ति जनाएका छन् ।

दलको नेता तथा सचेतक रामराज लामिछानेद्धारा जारी गरेको विज्ञप्तिमा पोखरा महानगरपालिकाको शिक्षा नियमावली २०७४ र संस्थागत विद्यालय छनोट निर्देशिका विपरीत छात्रवृत्ति एकलौटी, मनोमानी, नातावाद र कृपावादबाट वितरण गरिएको भन्दै विरोध गरिएको छ ।

काँग्रेसको तर्फबाट वडा नं. २, ३, ४, ६, ९, १०, ११, १२, २३, २७ र ३२ मा वडाध्यक्ष निर्वाचित भएका थिए ।

‘शिक्षा नियमावली २०७४ को छात्रवृत्ति सम्बन्धी व्यवस्थामा महानगर शिक्षा समितिले छात्रवृत्ति निर्धारण समितिमार्फत् वडा शिक्षा समितिसँग समन्वय गरी लै·िक समावेशिताको आधारमा गरीब, विपन्न, सिमान्तकृत, पिछडिएको वर्ग, लक्षित समुदाय भित्रका विद्यार्थी र जेहेन्दार जस्ता आरक्षण बमोजिमको छात्रवृत्ति प्रदान गर्ने व्यवस्था छ’ सचेतक लामिछानेद्धारा जारी गरिएको विज्ञप्तिमा भनिएको छ, ‘तर यी प्रावधानलाई मिचेर महानगर शिक्षा समितिले बेवास्ता गर्दै लक्षित समुदायका वर्गलाई उपेक्षा गरी आफ्नालाई मात्रै प्रथामिकतामा राखि वितरण गरिएको छात्रवृत्तिप्रति हाम्रो पूर्ण असहमती छ ।’

‘संस्थागत विद्यालय छात्रवृत्ति वितरण कार्यविधि २०७५ मा नगर शिक्षा समितिका संयोजक नै छात्रवृत्ति छनोट समिति संयोजक रहने प्रावधान हुदाँहुदै हामीसँग कुनै सल्लाह नगरी एकलौटी ढंगले समिति बनाइएको छ त्यो नै गलत छ’ सचेतक लामिछानेले भने,‘महानगरका हरेक गतिविधिमा काँग्रेसका तर्फबाट निर्वाचित ११ वडा अध्यक्षहरुसँग कुनै सल्लाहनै नगरी दुई तिहाइको दम्भ देखाउने काम भएकोमा हाम्रो आपत्ति छ ।’

नियतवस वहुमतको मिचाई गरी गरिएको छात्रवृत्ति वितरणको विरोध गर्दै तत्काल आवश्यक छानविन गरि सच्याउन विज्ञप्तिमार्फत् जोडदार माग गरिएको छ ।

Related News

सम्बन्धित समाचार

  • रोजगारी उपलब्ध गराउन पोखरा १३ मा जब फेयर

    राष्ट्र न्यूज सम्वाददाता फागुन १८, २०८०
    पोखरा, १८ फागुन । पोखरा १३ मा जब फेयर सम्पन्न भएको छ । पोखरा महानगरपालिका वडा नं. १३ कार्यालयको आयोजनामा…
  • डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे

    राष्ट्र न्यूज सम्वाददाता फागुन ६, २०८०
    पोखरा,६फागुन। डेमोक्रेटिक एग्रिकल्चरिष्ट एशोसिएसन नेपाल गण्डकी प्रदेश समितिको अधिवेशनले शम्भुराज पाण्डेको संयोजकत्वमा सात सदस्यीय कार्यसमिति चयन गरेको छ । समितिको…
  • जुवा खेलिरहेका सात जना पक्राउ

    राष्ट्र न्यूज सम्वाददाता माघ २१, २०८०
    पोखरा, २१ माघ । प्रहरीले पोखरामा जुवा खेलिरहेको अवस्थामा सात जनालाई पक्राउ गरेको छ । पोखरा म.न.पा. वडा नं.१२ अमरसिंह…
  • कास्कीमा सात पत्रकार सम्मानित

    राष्ट्र न्यूज सम्वाददाता माघ १२, २०८०
    पोखरा, १२ माघ । नेपाल पत्रकार महासंघ कास्कीले आयोजना गरेको पत्रकारिता पुरस्कार अर्पण समारोहमा सात पत्रकार सम्मानित हुनुभएको छ ।…
  • सेती नदीमा मिश्रको शव भेटियो

    राष्ट्र न्यूज सम्वाददाता मंसिर २८, २०८०
    पोखरा, २८ मंसिर । मंसिर २५ गतेदेखि हराइरहेका एक युवकको आज शव भेटिएको छ । तनहुँ स्थायी घर भई हाल…

Archives

Archives