पोखरा, ८ साउन । चिकित्सा क्षेत्र सुधारको अभियानमा होमिएका डा. गोविन्द केसीप्रति समर्थन जनाउने क्रम जारी छ ।

उनको समर्थन तथा सरकारलाई दबाब दिन दिनहुँ जसो देशका विभिन्न स्थानमा गतिविधि भैरहेका छन् । यसैक्रममा पोखरामा मङ्गलबार पनि डा. गोविन्द केसी बचाऔं भन्दै सरकारको ध्यानाकर्षण गराइएको छ ।

पोखरामा रहेको वन विज्ञान अध्ययन संस्थानका विद्यार्थी विनोद चापागाईको पहलमा ¥याली निकालिएको थियो ।

संस्थानका विद्यार्थी, शिक्षक, कर्मचारी र स्थानीय सहभागि ¥यालीले क्याम्पस वरपर क्षेत्र परिक्रमा गरेको थियो ।

म डा. गोविन्द केसीबाट प्रभावित छु नवलपरासीका विद्यार्थी चपागाईले भने – ‘जनताका पक्षमा उभिएका डा. केसीलाई समर्थन गर्नु हामी सबैको कर्तव्य हो।’

वन विज्ञान अध्ययन संस्थानका सहप्राध्यापक विष्णुहरि वाग्लेले डा. केसीलेले गरिरहेको आन्दोलन सवैको साझा आन्दोलन भएको उल्लेख गरे ।

विद्यार्थी डिल्लिराज बस्यालले डा. केसीलाई सवैले साथ र सहयोग गर्नु पर्नेमा जोड दिए ।

LEAVE A REPLY

Please enter your comment!
Please enter your name here