पोखरा, ११ माघ। माओवादी द्वन्द्वकालमा भएका दुःखद् घटनामध्य दर्दनाक घटनाको रुपमा लिइन्छ चितवनको बाँदरमुढे घटना। घटना भएको १२ वर्षभन्दा बढी समय भयो तर त्यसले दिएको पीडा ताजै जस्तो लाग्छ। सो घटनामा झण्डै एक सय ५० यात्रु बोकेको यात्रुबाहक बसलाई विद्युतिय धरापमा पारिएको थियो।

२०६२ साल जेठ २३ गते यात्रुले खचाखच भरिएको बसलाई लक्षित गरी माओवादीले विद्युतीय धराप विष्फोट गराउँदा ३८ जनाको मृत्यू भएको थियो। घटनाका पीडितले पटक पटक राज्यसँग न्याय मागिरहेपनि अहिलेसम्म सुनुवाई हुन सकिरहेको छैन।

घटना घटेको १२ वर्षभन्दा बढि समयपछि सरकारले सो दुःखद घटनामा मारिएकालाई सहिद घोषणा गर्ने तयारी गरिरहेको समाचार प्राप्त भएको छ।

आज साँझ बस्ने मन्त्रीपरिषद् बैठकमा चितवन घर भएका वनमन्त्री विक्रम पाण्डेले सो घटनाका मृतकलाई सहिद घोषणा गर्नका लागि प्रस्ताव लैजाने बताइएको छ। सम्भवत् मन्त्रीपरिषद्ले सो प्रस्ताव पारित गर्ने छ।

 

LEAVE A REPLY

Please enter your comment!
Please enter your name here