पोखरा, १३ माघ। राष्ट्रिय सभा सदस्यमा काँग्रेस उम्मेदवार प्रकाश पन्थ निर्विरोध निर्वाचित भएका छन्।

उनीसँगको प्रतिस्पर्धामा रहेका बाम गठबन्धनका रामबहादुर थापाको उम्मेदवारी अयोग्य ठहर भएपछि पन्थ निर्विरोध भएका हुन्। थापा एमालेका नेता हुन्। प्रदेश नम्बर ४ बाट अपाङ तथा अल्पसंख्यक कोटाबाट उम्मेदबारी दिई निर्विरोध भएका पन्थ तनहँुका हुन्।

बाम गठबन्धन उम्मेदवार थापाले नयाँ निर्देशिका अनुसार अपाङता परिचय पत्र नलिएको भन्दै काँग्रेस उम्मेदवार तनहुँका प्रकाश पन्थले निर्वाचन आयोगमा उजुरी दिएका थिए।

थापाले निर्वाचन आयोग समक्ष पेश गरेको अपाङता परिचयपत्र नयाँ निर्देशिका अनुसार नभएको पाइएको छ। उजुरीमाथिको छानविन पश्चात आयोगले शनिवार नै थापाको उम्मेदवारी खारेज गरेको छ ।

LEAVE A REPLY

Please enter your comment!
Please enter your name here