पोखरा, २९ कात्तिक । नेपाली काँग्रेस कास्कीले पार्टीका आमन्त्रित केन्द्रीय सदस्य, प्रतिनिधिसभा सदस्य सूर्यबहादुर केसीको १३ औं दिनको पुण्यतिथिमा शनिवार श्रद्वाञ्जली सभा गरेको छ ।

पोखरा ७ मुस्ताङचोक स्थित केसी निवासमा आयोजित श्रद्वाञ्जली सभामा पार्टीका नेता तथा कार्यकर्ता, आफन्त र शुभेच्छुकको सहभागिता रहेको थियो ।

श्रद्वाञ्जली सभामा बोल्ने वत्ताहरुले स्वर्गीय केसीलाई समाजको असल अभिभावकका रुपमा स्मरण गर्दै उहाँको सदैव अभाव रहिरहने बताएको कास्की काँग्रेसका प्रवत्ता नवीन सिग्देलले जानकारी दिए ।

नेपाली काँग्रेसका सहमहामन्त्री डा प्रकाशशरण महतले नेता केसीको समाज सेवा प्रतिको समर्पण प्रशंसनीय भएको बताए । नेता केसीले समाजका हरेक क्षेत्रमा पु¥याएको योगदानको चर्चा गर्दै विरासतलाई सफलताका साथ परिवारले अघि बढाउने विश्वास व्यक्त गरे ।

सहमहामन्त्री महतले सरकारले मुलुकलाई क्षयिकरणको दिशामा अघि बढाएको बताउँदै सरकारले अराजकता, जनताप्रति वेइमानी र कुशासनलाई बढाइ रहेको आरोप लगाए ।

नेता शुक्रराज शर्माले नेता केसीले जीवनको विरासतलाई प्रजातन्त्रमा समर्पित गरेको बताए । उनले केसीको नाममा प्रतिष्ठान स्थापना गरी समाज सेवाको अभियान अघि बढाउन सुझाव दिए ।

आमन्त्रित केन्द्रीय सदस्य कुमार खड्का, नेता यज्ञबहादुर थापा र सोभियतबहादुर अधिकारी, गण्डकी प्रदेशसभा सदस्य विन्दुकुमार थापाले समाज,पार्टी र परिवारलाई केसीको अभाव सदैव रहने उल्लेख गरे ।

कार्यक्रममा नेपाली काँग्रेस क्षेत्र नं २ कास्कीका सभापति माधव बास्तोलॉमधु’, नेतृ शारदा पौडेल, क्षत्री समाजका उपाध्यक्ष कृष्ण थापा, नेपाली काँग्रेस पोखरा ७ का सभापति नवीन बराल, नेता बोधराज कार्की र परिवारको तर्फबाट भिनाजु कृष्णबहादुर थापाले बोलेका थिए ।

नेपाली काँग्रेस कास्कीका सभापति कृष्ण केसीको अध्यक्षतामा भएको कार्यक्रम सचिव देवेन्द्र रानाभाट सञ्चालन गरेका थिए ।
राजनीतिक, आर्थिक, सामाजिक, शिक्षा, स्वास्थ्य र संचारलगायतका क्षेत्रमा योगदान पु¥याएका नेता केसीको ६३ वर्षको उमेरमा कात्तिक १७ गते निधन भएको थियो ।

LEAVE A REPLY

Please enter your comment!
Please enter your name here