उपकुलपति डा. थापाको पहलमा करिब नौ लाखको निर्मल अक्षय कोष

राष्ट्र न्यूज सम्वाददाता
असार २६, २०७५
Nirmal School

पोखरा, २५ असार । तनहुँको शुक्लागण्डकी–३, वनकेवामा अवस्थित निर्मल आधारभूत प्राविको सहयोग र आफ्ना गुरुको सम्मानमा निर्मल अक्षय कोष निर्माण गरिएको छ ।

विद्यालयका पूर्व विद्यार्थी समेत रहेका पोखरा स्वास्थ्य विज्ञान प्रतिष्ठानका उपकुलपति डा. बुद्धि बहादुर थापाको सक्रियतामा करिव ९ लाख रुपैयाको अक्षय कोष बनाइएको हो ।

अक्षय कोषका लागि विद्यालयका पूर्व विद्यार्थी, समाजसेवी, शुभचिन्तक तथा शिक्षासेवीले रकम प्रदान गरेका हुन् । सो रकमको ब्याजबाट निजी स्रोतका शिक्षकलाई तलब खुवाइने अक्षय कोषका संयोजक एवम् पूर्व विद्यार्थी मोहन बहादुर थापाले जानकारी दिए ।

हालसम्म ८ लाख ७१ हजार ६ सय रुपैया संकलन भइसकेको छ, थपिने क्रम चलिरहेको छ,’ उनले भने – ‘यो कोषमा नगरपालिका र वडा कार्यालय पनि सहभागि भई विद्यालयको गुणस्तरमा सहयोगी बन्नुपर्ने अवस्था आएको छ ।’

वि.स. २०१३ सालमा स्थापित सो विद्यालयमा वार्षिकरुपमा विद्यार्थी संख्या घट्दै गएका छन् । आफूले अध्ययन गरेको विद्यालय र जन्मस्थानमा केहि गरौ भन्ने उदेश्यले यो अभियान शुरु गरेको हुँ, डा. थापाले भने – ‘यसमा सबैको सहयोग हुने विश्वास लिएको छु ।’

उनले अगाडी थपे – ‘विद्यालयमा आउँदा मलाई बच्चापनमा स्याउलाले बारेर पढेको याद आउँछ, साथै गुरु गणेश बहादुर रावतले गणित पढाएको सम्झने गर्छु, अक्षय कोषले गुरुको पनि सम्मान गरेको महसुस गरेको छु ।’

डा. थापा सो विद्यालयमा वि.स. २०१८ सालमा कक्षा १ देखि ५ सम्म अध्ययन गरेका थिए । उनका गुरु ९८ वर्षिय रावतलाई स्वास्थ्य जाँच गर्नुका साथै दोसल्ला ओढाएर सम्मान गरेका थिए ।

सो कोषमा पूर्व विद्यार्थीहरु प्रा.डा. चन्द्र बहादुर थापा, शिक्षासेवी शिव बहादुर कार्की, भक्त बहादुर रिमाल, मोहन बहादुर थापा, सुर्य बानियाँ मुक्ति तिम्ला, हर्क बहादुर कार्की, प्रदिप थापा लगायतले सहयोग गरेका छन् ।

Related News

सम्बन्धित समाचार

  • रोजगारी उपलब्ध गराउन पोखरा १३ मा जब फेयर

    राष्ट्र न्यूज सम्वाददाता फागुन १८, २०८०
    पोखरा, १८ फागुन । पोखरा १३ मा जब फेयर सम्पन्न भएको छ । पोखरा महानगरपालिका वडा नं. १३ कार्यालयको आयोजनामा…
  • डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे

    राष्ट्र न्यूज सम्वाददाता फागुन ६, २०८०
    पोखरा,६फागुन। डेमोक्रेटिक एग्रिकल्चरिष्ट एशोसिएसन नेपाल गण्डकी प्रदेश समितिको अधिवेशनले शम्भुराज पाण्डेको संयोजकत्वमा सात सदस्यीय कार्यसमिति चयन गरेको छ । समितिको…
  • जुवा खेलिरहेका सात जना पक्राउ

    राष्ट्र न्यूज सम्वाददाता माघ २१, २०८०
    पोखरा, २१ माघ । प्रहरीले पोखरामा जुवा खेलिरहेको अवस्थामा सात जनालाई पक्राउ गरेको छ । पोखरा म.न.पा. वडा नं.१२ अमरसिंह…
  • कास्कीमा सात पत्रकार सम्मानित

    राष्ट्र न्यूज सम्वाददाता माघ १२, २०८०
    पोखरा, १२ माघ । नेपाल पत्रकार महासंघ कास्कीले आयोजना गरेको पत्रकारिता पुरस्कार अर्पण समारोहमा सात पत्रकार सम्मानित हुनुभएको छ ।…
  • सेती नदीमा मिश्रको शव भेटियो

    राष्ट्र न्यूज सम्वाददाता मंसिर २८, २०८०
    पोखरा, २८ मंसिर । मंसिर २५ गतेदेखि हराइरहेका एक युवकको आज शव भेटिएको छ । तनहुँ स्थायी घर भई हाल…

Archives

Archives