काँग्रेसद्वारा मादीको शिक्षा शाखा कार्यालयमा तालाबन्दी
पोखरा, २८ जेठ । नेपाली काँग्रेस मादी गाउँपालिका इकाईले गाउँपालिकाको शिक्षा शाखा कार्यालयमा अनिश्चितकालीन तालाबन्दी गरेको छ ।
नेपाल सरकारको शिक्षा ऐन विपरीत गाउँपालिकाले मादी ३ स्थित सिताराम माविमा आफू अनुकुल कार्यविधि बनाइ गैरअभिभावकलाई लिएर विद्यालय व्यवस्थापन समिति गठन गरेको, शिक्षा क्षेत्रमा योगदान नै नभएका व्यक्तिहरुलाई समितिमा नियुक्त गरेको भन्दै तालाबन्दी गरेको नेपाली काँग्रेस मादी इकाईका सचिव भानु ढकालले जानकारी दिए ।
गाउँपालिका प्रमुख बेदबहादुर गुरुङसँग छलफल गर्दा समेत बेवास्ता गरेपछि तालाबन्दी गर्न बाध्य भएको नेपाली कांँग्रेस मादीका सभापति देवीजंग गुरुङले बताए । उनले काँग्रेसको संयमतालाई कमजोरीका रूपमा नलिन चेतावनी दिए ।
Related News
सम्बन्धित समाचार
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
सोंथर बेँसी मेलाको तयारी तिव्र
Archives
Archives