पोखरा, २८ फागुन । नेपाल विद्यार्थी संघ पृथ्वीनारायण क्याम्पस मूल इकाइ समितिले सोमबार क्याम्पस सरसफाई गरेको छ ।
नेवि संघका विद्यार्थी सहित काँग्रेसका नेताले सरसफाईमा सहभागिता जनाएका थिए ।
कार्यक्रमका प्रमुख अतिथि नेपाली काँग्रेस स्याङ्जा जिल्ला सभापति कमलप्रसाद पंगेनीले नेपाल विद्यार्थी संघले स्थापनादेखि हालसम्म शैक्षिक, राजनैतिक र सामाजिक सुधारका गतिविधिहरुमा सक्रिय सहभागिता जनाउदै आएको बताए ।
उनले राजनीतिमा नैतिकता र विचारको खडेरी परिरहेका बेला विद्यार्थीले झनै शशक्त भुमिका निर्वाह गर्नुपर्नेमा जोड दिए।
नेपाली विद्यार्थी संघका पूर्व केन्द्रीय उपाध्यक्ष एवं महाधिवेशन प्रतिनिधि प्रेम पौडेलले रचनात्मक कार्यले गर्दा ने.वि.संघ सबै विद्यार्थीहरुको प्रिय र साझा संगठन बन्न पुगेका उल्लेख गरे।
पिएन क्याम्पस प्रमुख चन्द्रबहादुर थापाले नेवि संघले क्याम्पसमा उदाहरणिय कार्य गर्दै आइरहेकोभन्दै सबैले हातेमालो गर्दै क्याम्पसको शैक्षिक विकासमा योगदान गर्नुपर्नेमा जोड दिए।
कार्यक्रममा नेवि संघ केन्द्रीय सदस्य भानुभक्त ढकाल, गोपाल गुरुङ, स्याङ्जा अध्यक्ष अजित क्षेत्री लगायतले बोलेका थिए ।
नेवि संघ पृथ्वीनारायण क्याम्पस मूल इकाइ समितिका अध्यक्ष दिपक वाग्लेको सभापतित्वमा भएको उक्त कार्यक्रममा विद्यार्थी नेता रेशम हमालले स्वागत र विद्यार्थी नेता निर्मल अधिकारीले संचालन गरेका थिए ।
Related News
सम्बन्धित समाचार
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
सोंथर बेँसी मेलाको तयारी तिव्र
Archives
Archives