पोखरा, २८ फागुन। त्रिभुवन अन्र्तराष्ट्रिय विमानस्थलको धावनमार्गमा भएको विमान दुर्घटनामा परी ठुलो मानवीय क्षति भएको घटनाले सवैलाई दुखित् बनाएको छ ।
यो समाचार तयार पार्दा घटनामा अहिलेसम्म ४९ जनाको मृत्यु भएको प्रहरीले जनाएको छ ।
यो घटनाको सत्यतथ्य खोजी विज्ञ सहितको टोलीले गर्ने छ। तर घटनालाई लिएर विभिन्न टिकाटिप्पणी शुरु भएको छ भने घटनाका बारेमा घाइतेहरुले बोल्न थालेका छन् ।
घाइतेका अुनसार, विमान एक्कासी जोडले हल्लिएर भुइमा बजारिएको थियो । प्रत्यक्षदर्शीका अनुसार, विमानमा एकै पटक आगोको मुस्लो देखिएको थियो । दुर्घटना लगत्तै विमानमा आगो लागेको थियो ।
एक घाइतेले भने – ‘विमानबाट ओर्लन केहि समय मात्र बाँकी रहदाँ सबथोक अचानक भयो।’
६७ यात्रु र चालक दलका चार जना सदस्य सहित बंगलादेशको ढाकाबाट काठमाडौं उडान भरेको यूएस बङ्लादेश एयरलाईन्सको विमान दिउँसो २ बजेर २० मिनेटमा दुर्घटनाग्रस्त भएको हो । ६७ मध्य ३३ जना नेपाली थिए ।
घाईतेमध्ये १२ जनाको केएमसी, ५ जनाको नर्भिक अस्पताल, ३ जनाको ग्रान्डी अस्पताल तथा ओम अस्पताल र मेडिसिटी अस्पतालमा उपचार भैरहेको छ ।
Related News
सम्बन्धित समाचार
हेमजामा मादल बजाउने तालिम
स्व. लक्ष्मीसुन्दरी कर्माचार्यको स्मृतिमा सहयोग कोष
भविष्य निर्माण माविको बस संचालनका लागि अक्षयकोषमा सहयोग जुट्दै
एन प्याव्सनको बाल प्रतिभा पहिचान महोत्सव सकियो
कम्प्युटर र नेतृत्व विकास तालिम
Archives
Archives