पोखरा, १२ फागुन । नेपाल शिक्षक संघको प्रदेशस्तरीय अधिवेशन देशभर आइतबार हुदैछ ।
सात वटा प्रदेशमा दुई दिनसम्म चल्ने अधिवेशनले नयाँ नेतृत्व चयन गर्ने छ । अधिवेशनले २७ सदस्यीय प्रदेश समिति चयन गर्ने छ । निर्वाचित समितिले चार र अध्यक्षले आफ्नो अधिकार प्रयोग गरी एक सदस्य मनोनित गर्ने व्यवस्था छ ।
प्रदेश नम्बर ४ को राजधानी पोखरामा हुने अधिवेशनको तयारी पूरा भएको नेपाल शिक्षक संघका केन्द्रीय उपाध्यक्ष किशोरदत्त बरालले जानकारी दिए ।
पोखरामा हुने प्रदेश नम्बर ४ को अधिवेशनमा भाग लिन ११ जिल्लाका प्रतिनिधि तथा पर्यवेक्षक शनिवार पोखरा आइसकेका छन् ।
पोखराको अधिवेशनमा प्रतिनिधि र पर्यवेक्षक गरी तीन सय ५० जनाको सहभागिता रहने नेपाल शिक्षक संघ कास्कीका सचिव एवं अधिवेशन प्रचारप्रसार उपसमिति संयोजक राजु क्षेत्रीले बताए ।
पोखरामा हुने अधिवेशनको उद्घाटन नेपाली काँग्रेसका महामन्त्री डा. शशांक कोइरालाले गर्ने छन्। अधिवेशनको उद्घाटनका लागि उनी आइतबार नै पोखरा आउने छन् । अधिवेशन पोखरा लेखनाथ महानगरपालिका वडा नं १२ स्थित शीतलादेवी पार्टी प्यालेसमा हुने छ ।
दुई दिने अधिवेशन अन्तर्गत आइतबार उद्घाटन र सोमबार निर्वाचनको कार्यक्रम तय गरिएको प्रचारप्रसार उपसमिति सदस्य दिवाकर पौडेलले जानकारी दिए ।
Related News
सम्बन्धित समाचार
रोजगारी उपलब्ध गराउन पोखरा १३ मा जब फेयर
डेमोक्रेटिक एग्रिकल्चरिष्ट एशोसिएसन गण्डकी प्रदेश संयोजकमा पाण्डे
जुवा खेलिरहेका सात जना पक्राउ
कास्कीमा सात पत्रकार सम्मानित
सेती नदीमा मिश्रको शव भेटियो
Archives
Archives