पोखरा, १८ कार्तिक / नेपाल प्रहरीले चार जना भारतीयलाई पोखराबाट पक्राउ गरेको छ । काठमाण्डौंको कमलादीबाट पेस्तोलसहित दुई जना भारतीय सुटर पक्राउ परेको घटना सेलाउन नपाउदै पोखरा प्रहरीले ४ भारतीयलाई शुक्रबार राति पोखराको सिद्धार्थ चोकबाट पक्राउ गरेको छ ।
पोखरा प्रहरी प्रमुख एसपी अशोक सिंहले चार जना भारतीय सुटरसहित १२ जनालाई शुक्रवार राति पक्राउ गरिएको पुष्टि गरे । एसपी सिंहले घटनाको बारेमा अनुसन्धान भइरहेको बताए । भारतीय नागरीकसहित १२ जनालाई प्रहरीले नियन्त्रणमा लिएको छ ।
प्रहरी स्रोतकाअनुसार चार जना भारतीयहरु भारतको राजस्थानमा आतंक मच्चाएर नेपाल छिरेका हुन् । उनीहरुमाथी सर्वसाधरणको हत्या गरेको र हप्ता असुली गरेको आरोप छ ।
नेपाल प्रहरीको केन्द्रिय अनुसन्धान ब्युरोलाई भारतीय प्रहरीले उनिहरुको खोजि गरिदिन आग्रह गर्दैै आएको थियो । पोखरा प्रहरीको सहयोगमा ब्युरोबाट सादा पोसाकमा खटिएको टोलीले उनीहरुलाई सिद्धार्थ चोकमा पसलमा सामान किनिरहेको बेला पक्राउ गरेको हो ।
निर्वाचनका समयमा यसरी भारती सुटर पक्राउ पर्दा भिआई हत्या गरी चुनाव भाँड्ने गोप्य योजना समेत भएको हुन सक्ने बताइएको छ ।
पक्राउ परेका भारतीय अपराधीलाई काठमाडौं प्रहरीको सहयोगमा भारत प्रहरीलाई बुझाउने १ प्रहरी अधिकृतले बताए । ‘अहिले कास्की प्रहरीको हिरासतमा छन्,’ उनले भने, ‘काठमाडौंबाट प्रहरी आएपछि उनीहरुलाई भारत प्रहरीको जिम्मा लगाइन्छ ।’
विगतमा जस्तै पछिल्ला समय पनि भारतका अपराधीहरु घटना घटाएर नेपाल लुक्न आउँछन् । नेपाल प्रहरीको सहयोगमा त्यस्ता अपराधीलाई पक्राउ गरीभारत प्रहरीलाई जिम्मा लगाउँदै आएको छ । यद्यपि नेपाल र भारतबीच सुपुर्दगी सन्धि भएको छैन । बितेको भदौ २५ गते काठमाडौंमा यस्तै भारतीय सुटर पक्राउ परेका थिए ।
पटकपटक पक्राउ पर्दा नाम परिवर्तन गर्दै उम्केका भारत मोतिहारी रक्सौल–१ घर भएका बब्लु तिवारीलाई नेपाल प्रहरीले पक्राउ गरेको थियो ।
प्रहरीका अनुसार बब्लुले भारतमा मात्र नभएर नेपालको सीमा क्षेत्रमा पनि उत्तिकै आतंक मच्चाएका थिए । केही महिनाअघि बब्लुले भैरहवाका उद्योगी तथा सिद्धार्थ उद्योग वाणिज्य संघका उपाध्यक्ष कुलप्रसाद न्यौपानेलाई गोली प्रहार गरी हत्याको प्रयास गरेका थिए ।
नेपाल समाचारपत्र/समाधान
Related News
सम्बन्धित समाचार
पत्रकार महासंघ कास्कीका पूर्व अध्यक्ष बास्तोलालाई पितृशोक
गण्डकी प्रदेश प्रमुख भट्ट समक्ष अख्तियारको प्रतिवेदन पेश
आवधिक योजना बनाएर काम गर्छु ः स्वास्थ्यमन्त्री पाठक
चट्याङ लागेर कार्यपालिका सदस्य घाईते
रसिया पुगेका थापा सम्पर्क विहिन भएपछि परिवारको विचल्ली
Archives
Archives