पोखरा, १९ भदौ । पोखरा महानगरपालिका वडा नं ६ लेकसाइड ठाडोपसलस्थित क्रिष्टल ईण्टरनेशनल मण्टेश्वरी किण्डरवल्डमा तीजको शुभकामना आदानप्रदान गरिएको छ ।
मण्टेश्वरीले विद्यालयका अभिभावकसँग कार्यक्रम गरेको हो । त्यसअवसरमा लेकसाईडस्थित बालगृहका बालबालिकालाई दर खुवाउनका लागि मण्टेश्वरीले १६ हजार रुपैया आर्थिक सहयोग गरेको छ ।
मन्टेश्वरीकी म्यानेजिङ डाईरेक्टर रिना पौडेलले बालगृहकी अध्यक्ष बिष्णु केसीलाई सो रकम हस्तान्तरण गरेकी थिईन् ।
त्यसअवसरमा विभिन्न मनोरञ्जनात्मक कार्यक्रम पनि गरिएको थियो । जसमा घैंटो फुटाई खेलमा मालेपाटनकी सरस्वती शाही, म्यूजिकल चेयरमा मालेपाटन कै बिनिता सिग्देल, क्याटवाकमा राष्ट्र बैंक चोककी शुष्मा श्रेष्ठ र तीज नृत्यमा शान्तिपाटन चोककी आशा शर्मा बिजयी भएका छन् ।
कार्यक्रममा मण्टेश्वरी एशोसियशन कास्कीकी अध्यक्ष श्रीमती अरूणा शेरचनले तीजले महिलाहरूलाई एकजुट गराउन सहयोग गरेको बताईन् ।
मण्टेश्वरीकी डाईरेक्ट रिना पौडेलले अब महिलाको युग शुरु भएको भन्दै महिलाहरुले क्षमता प्रदर्शन गनुपर्नेमा जोड दिईन् ।
कार्यक्रममा महिला उद्यमी गीता तिवारी, पोखरा महानगरपालिका वडा न. १७ की महिला सदस्य राधिका शाही योगी, महिला व्यवसायी पम्फा पहारी र महिला पर्यटन व्यवसायी जमुना पराजुली लगायतले बोलेका थिए ।
Related News
सम्बन्धित समाचार
गर्मीयाम शुरु हुदै छ सवै सचेत हुनुहोस्, रुपामा वन डढेलो नियन्त्रणको पूर्व अभ्यास
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न