पोखरा, १७ फागुन । मादी गाउँपालिका वडा नं ५ सुनपँदालीफाटस्थित ओमकारेश्वर शिव मन्दिरमा श्रीमद्भागवत् विराट ज्ञान महायज्ञ हुने भएको छ ।
ओमकारेश्वर शिवालय सेवा समितिले गर्न लागेको महायज्ञ फागुन २३ देखि ३० गतेसम्म चल्ने छ । समितिले शुक्रबार पत्रकार सम्मेलन गरी महायज्ञको तयारी अन्तिम चरणमा पुगेको जनाएको छ ।
महायज्ञको ८० प्रतिशत तयारी पूरा भएको छ, महायज्ञ मूल आयोजक समितिका अध्यक्ष भुपेन्द्रप्रसाद अधिकारीले भने – ‘तिन÷चार दिनभित्र सवै तयारी पूरा गर्छाै।’
महायज्ञ सम्पन्न गर्न गठित मूल आयोजक समिति सहित विभिन्न २७ वटा उपसमितिहरुले तयारी तिव्र पारेका छन् ।
६ फिटका एक सय आठ ओटा जलधारा सहितको शिवलिङ्ग र विष्णु शैया बनाउनका लागि अर्थ संकलन गर्ने उदेश्यले महायज्ञ आयोजना गर्न लागिएको हो । त्यस्तै, मन्दिर संचालनका लागि अक्षयकोष स्थापना गर्ने तथा संस्कृत विश्वविद्यालय स्थापनाका लागि समेत पहल गर्ने बताइएको छ ।
महायज्ञबाट दुई करोड रुपैया संकलन गर्ने लक्ष्य रहेको महायज्ञ मूल आयोजक समितिका सचिव कृष्णप्रसाद गौतमले जानकारी दिए । महायज्ञ सम्पन्न गर्न १८ देखि २० लाख रुपैया खर्च लाग्ने अनुमान गरिएको छ ।
महायज्ञ उद्घाटनपूर्व २३ गते कलशयात्रा निकालिने छ । पोखरा – १३ काँहुखोलाबाट शुरु हुने कलशयात्रा विभिन्न स्थान परिक्रमापछि महायज्ञस्थल पुगेर उद्घाटन समारोहमा परिणत हुने छ ।
महायज्ञसँगै तुलादान, ब्रतबन्ध, योग शिविर, चौरासी पूजा, ग्रहशान्ति, सहस्र शिव पूजा अर्चना, संङ्गितमय प्रवचन गरिने छ । महायज्ञमा युवा पण्डित कमलनयन गौतमले भागवत् वाचन गर्ने छन् ।
कास्कीको पूरानो प्राचिन मन्दिर भइकन पनि प्रचारप्रसारको अभावमा ओझेलमा परेकाले महायज्ञले मन्दिरको प्रचारप्रसारमा समेत टेवा पु¥याउने अपेक्षा गरिएको छ ।
यसअघि १४ वर्ष पहिलेपनि महायज्ञ आयोजना गरिएको थियो । त्यतिबेलाको महायज्ञबाट संकलित रकमबाट सभाहल सहितको भवन निर्माण गरिएको थियो ।
कार्यक्रममा महायज्ञ अनुगमन उपसमितिका संयोजक सूर्यनाथ अधिकारी र पूजारी व्यवस्थापन उपसमितिका संयोजक नगेन्द्रप्रसाद अधिकारीले पनि बोलेका थिए ।
Related News
सम्बन्धित समाचार
गर्मीयाम शुरु हुदै छ सवै सचेत हुनुहोस्, रुपामा वन डढेलो नियन्त्रणको पूर्व अभ्यास
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न