पोखरा,२२ फागुन । प्रहरीले लागूआौषधसहित एक युवकलाई पक्राउ गरेको छ ।

पर्वत कुश्मा नगरपालिका वडा ३ बडागाँउ बस्ने २२ वर्षीय मनोज कुवँरलाई लागूऔषधसहित पक्राउ गरेको हो ।

उनको साथबाट लागूऔषध डाईजापाम– ३४ एम्पुल, फेनेरागन– ३४ एम्पुल, नुर्फिनुर– ३४ एम्पुल गरी एक सय २ एम्पुल, मोवाईल २ थान र नगद रु.१ हजार २ सय बरामद गरिएको छ ।

सवारी साधन चेकजाँच गर्ने क्रममा शुक्रबार दिउँसो पोखरा महानगरपालिका वडा नं.२७ डाडाकोनाक स्थित पृथ्वी राजमार्ग सडक खण्डबाट उनलाई पक्राउ गरिएको हो ।

लागूऔषध सम्बन्धी कसुर अन्तर्गत थप अनुसन्धान अघि बढाइएको प्रहरीले जनाएको छ ।