पोखरा, १८ चैत । पोखरा ७ मासवार निवासी काँग्रेसका पुराना नेता प्रेमनारायण बरालको ८८ वर्षको उमेरमा निधन भएको छ ।

उनको पोखराको सेती नदी स्थित शान्ति घाट किनारमा अत्यष्टि गरिएको छ ।

उनको पार्थिव शरीरमा नेपाली काँग्रेसका नेता शुक्रराज शर्मा, कास्की काँग्रेस सभापति कृष्ण केसी, पूर्व मन्त्री यज्ञ बहादुर थापा , काँग्रेस नेता शोभियत बहादुर अधिकारी , देवराज चालिसे ,जिल्ला उपसभापति आइ बहादुर गुरुङ , क्षेत्रीय सभापति माधव प्रसाद बास्तोला , पोषनाथ शर्मा र इकाइ सभापति नवीनराज बराल लगायतका पार्टीको चार तारे झण्डा ओढाएर अन्तिम श्रद्धाञ्जली अर्पण गरेको कास्की कांग्रेसका प्रवक्ता नवीन सिग्देले जानकारी दिए ।

स्वः बरालका २ श्रीमती, ३ छोरा र ३ छोरी रहेका छन् । छोरा सरोज नारायण बराल नेपाली काँग्रेस पोखरा महानगर समितिका सचिव हुन् ।

यसैबीच, नेपाली कांग्रेस कास्कीका सभापति कृष्ण केसी र पोखरा ७ का इकाइ सभापति नवीनराज बरालले छुट्टाछुट्टै विज्ञप्ति प्रकाशित गरी बरालको निधनप्रति दुःख व्यक्त गरेका छन् ।

विज्ञप्तिमा बरालले लोकतन्त्रको विकास, विस्तारसँगै शैक्षिक र धार्मिक क्षेत्रमा पुग्याएको योगदान सदैव स्मरणीय रहने उल्लेख छ । विज्ञप्तिमा दिवंगत आत्माको चिरशान्तिको कामना गर्दै शोकसन्तप्त परिवारजनमा समवेदना व्यक्त गरिएको छ ।