पोखरा, २९ जेठ । कोरोना महामारीका बेला संस्कृत युवा मञ्च नेपालले पोखरामा शनिवार आकस्मिक रक्तदान कार्यक्रम गरेको छ ।
‘घरआँगनबाटै रक्तदान, हाम्रो अभियान’ भन्ने मूल नाराका साथ आयोजित रक्तदानमा एक सय आठ जनाले रक्तदान गरेको संस्थापक अध्यक्ष रामप्रसाद सिग्देलले जानकारी दिनुभयो ।
मञ्चका सदस्य प्रविनचन्द्र बरालका अनुसार, पोखराको काँहुखोला, फुलबारी, सिमलचौर गरी तीन स्थानमा रक्तदान कार्यक्रम गरिएको हो ।
कोरोना महामारीका बेला रगतका अभाव नहोस् भनेर सामाजिक उत्तरदायित्व बहन गर्न रक्तदान कार्यक्रम गरिएको मञ्चको भनाइ छ ।
मञ्चका सहसचिव गिरिराज शर्माले रक्तदान कार्यक्रमको संयोजन गर्नुभएको हो । पोखराको काँहुखोलाबाट रक्तदान कार्यक्रम शुभारम्भ गरिएको थियो ।
पोखरा १३ का वडा अध्यक्ष दर्शन लामाले ब्लड व्याग हस्तान्तरण गरी कार्यक्रम शुभारम्भ गर्नुभएको थियो । संस्कृत युवा मञ्च नेपालका अध्यक्ष हरिशरण पौडेलको अध्यक्षतामा कार्यक्रम भएको थियो ।
Related News
सम्बन्धित समाचार
गर्मीयाम शुरु हुदै छ सवै सचेत हुनुहोस्, रुपामा वन डढेलो नियन्त्रणको पूर्व अभ्यास
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न