पोखरा, २ असार । अविरल वर्षाका कारण देशभर बाढीपहिरोका घटना बढ्न थालेको छ ।

अविरल वर्षापछि गएराति पोखरा २५ मेलबोटस्थित मुनिलाल मार्गमा पहिरो खसेको छ । पहिरोका कारण कास्कीको माछापूच्छ«े गाउँपालिका प्रवेश नाकाको सडक अवरुद्व भएको छ ।

सडक अवरुद्व हुँदा बिहानैदेखि कृषिजन्य उत्पादन र खाद्यान्न ढुवानीमा समस्या भएको छ ।

अविरल वर्षापछि बढेको खहरे खोलाले बगाउँदा कास्कीको माछापुच्छ«े गाउँपालिका–१ मा एक महिलाको मृत्यु भएको छ ।

हिजो राति करिब ८ः३० बजेको समयमा टुसे बस्ने ४० वर्षीया लिलादेवी परियारलाई खहरे खोलाले बगाएको वडाध्यक्ष वीरेन्द्र गुरुङले जानकारी दिनुभयो ।

महिलाको शव घटनास्थलदेखि २५ मिटर तल स्थानीयवासी र प्रहरीले फेला पारेका थिए ।