पोखरा, १० भदौ । पोखरामा रहेर एआरभी औंषधी सेवन गरिरहेका एचआईभी संक्रमितले कोभिड विरुद्वको खोप लगाउनु भएको छ ।

कम्युनिटी सपोर्ट ग्रुपको कार्यालय पोखरामा बिहीबारदेखि एष्ट्राजेनिका खोप लगाउन थालिएको कार्यकारी निर्देशक दिलीप गुरुङले जानकारी दिनुभयो। शुक्रबारसम्म करिब चार सय जनालाई खोप लगाइने उहाँको भनाइ छ ।

एड्स फेसिलिटेशन ग्रुपको संयोजनमा एनएपि प्लस एन, रिकभरिङ्ग नेपाल, एआरटी युनिट, एएचएफ नेपाल, नौलोे बिहानी, एनएफडब्लुएलएचएको सहकार्यमा खोप लगाइएको हो । जिल्ला स्वास्थ्य कार्यालय कास्कीले आवश्यक सहयोग गरेको थियो ।