पोखरा, ८ असोज । नेपाल काँग्रेस पोखरा महानगरपालिकाको नयाँ कार्यसमितिका लागि शनिवार पोखरामा मतदान हुने भएको छ ।

निर्वाचन समिति कास्कीका अनुसार, पोखरा नयाँबजारस्थित प्रदर्शनी केन्द्रमा मतदान हुने छ । मतदानका लागि बिहान ८ देखि दिउँसो ३ बजेसम्मको समय तोकिएको छ ।

मतदानका लागि क्षेत्रीय प्रतिनिधि निर्वाचित भएको प्रमाणपत्र र नागरिकता वा मतदाता परिचयपत्र अनिवार्य लिएर जानुपर्ने व्यवस्था गरिएको छ ।
प्रदर्शनी केन्द्रभित्र ६ वटा बुथ निर्माण गरी मतदानको व्यवस्था मिलाइने छ । पोखरा महानगरपालिकाका ३३ वटा वडाका एक हजार तीन सय ७० जना क्षेत्रीय प्रतिनिधिले मतदानमा भाग लिन पाउने छन् । पोखरा महानगरपालिकाको सभापति पदका लागि ६ जना बीच प्रतिस्पर्धा हुदैछ ।