पोखरा, ९ पुस । पोखरामा माघ ८ देखि १५ गतेसम्म तेस्रो लोककवि अलि मियाँ स्मृति खुल्ला सेभेन ए साइड फुटबल प्रतियोगिता हुने भएको छ ।
नेपाल मुस्लिम युवा समिति पोखरा १३ ले प्रतियोगिता गर्न लागेको हो । प्रतियोगिता पोखरा १३ स्थित माछापोखरी खेल मैदानमा हुनेछ ।
युवाहरुलाई खेलकुलमा आकर्षित गर्न तथा खेलाडी उत्पादन गर्ने उद्देश्यले प्रतियोगिता गर्न लागिएको संयोजक अब्बु बकर मियाँले जानकारी दिनुभयो ।
प्रतियोगितामा करिब ५० समूहले सहभागिता जनाउने अपेक्षा आयोजकको छ । प्रतियोगिता सम्पन्न गर्नका लागि आठ लाख ७५ हजार खर्च लाग्ने अनुमान गरिएको छ ।
प्रतियोगितामा बिजेतालाई नगद एक लाख २५ हजार नगदसहित ट्रफि, मेडल, प्रमाणपत्र र उपबिजेतालाई नगद ७५ हजारसहित ट्रफि मेडल, प्रमाणपत्र प्रदान गरिने छ । त्यस्तै सेमिफाइनलमा पुग्न सफल अन्य दुई टिमलाई नगद १०÷१० हजार प्रदान गरिने छ ।
साथै उत्कृष्ट खेलाडी, उत्कृष्ट डिफेन्डर, उत्कृष्ट मिड फिल्डर, हाइस्कोरर र उत्कृष्ट गोलकिपरलाई नगद पाँच÷पाँच हजार पुरस्कार प्रदान गरिने छ ।
Related News
सम्बन्धित समाचार
माछापुच्छे क्रिकेट क्लव पोखरा महानगरपालिका टि–२० क्रिकेट प्रतियोगिताको फाइनलमा
माछापुच्छे गाउँपालिका अध्यक्ष कप भलिबल प्रतियोगिताको उपाधि गलकोटलाई, महिला तर्फको उपाधि शान्ता भलिवललाई
माछापुच्छे गाउँपालिका अध्यक्ष कप भलिबल प्रतियोगिताको तयारी पुरा, प्रतिययोगिता भोलिदेखि
कास्कीको सिधिङमा साविक वडा स्तरीय खुल्ला पुरुष भलिबल प्रतियोगिता जारी
टाइगर कप भलिबलः फाइनल खेल आज हुने