पोखरा, १६ साउन । नेपाल निजामती कर्मचारी युनियन कास्कीले सोमबार पोखरामा गण्डकी प्रदेशका मुख्यमन्त्री कृष्णचन्द्र नेपाली पोख्रेललाई ध्यानाकर्षण पत्र बुझाएको छ ।

युनियनका अध्यक्ष सुरेश कुमार श्रेष्ठको नेतृत्वमा पुगेको कर्मचारीको टोलीले ध्यानाकर्षण पत्र बुझाएको हो । पत्र बुझ्दै मुख्यमन्त्री पोख्रेलले कर्मचारीका जायज विषयमा सरकार गम्भिर रहेको उल्लेख गर्नुभयो ।

संघीय निजामती सेवा ऐन जारी नभए पनि गण्डकी प्रदेश सरकारले प्रदेश र पालिकाहरुलाई सम्बोधन हुने गरी प्रदेश निजामती सेवा ऐन जारी गर्न पहल गर्न अनुरोध गर्दै ध्यानाकर्षण पत्र बुझाएको हो ।

यसअघि युनियनले गण्डकी प्रदेश सरकारका मन्त्री, योजना आयोगका प्रमुख र महान्यायधिवक्ताको पनि ध्यानाकर्षण गराउँदै पत्र बुझाएको थियो ।