सबैतिर दसैं आयो रे

राष्ट्र न्यूज सम्वाददाता
असाेज १८, २०७९

कविता

सबैतिर दसैं आयो रे

मेरो गाउँमा आयो कि आएन?

किनकि मलाई

अहिलेसम्म पोस्टकार्डमा

शुभकामना कसैले पठाएको छैन।

लङ्गुर बुर्जा किन्न पैसा

कसैले उठाएको छैन।

बिन्ति छ मित्र

मलाई यी प्रश्नको उत्तर

एउटा एउटा गरेर दिनु न

कोट घरमा विधि पूर्वक जमरा राखियो राखिएन?

म देशभित्रै परदेशी बनेको छु

परदेशी साथीहरू गाउँमा आएकि आएनन् ?

कोटमा मार हान्ने हतियार

फूलपातिमा बाटो फाड्ने अौजार

आरनमा लान विर्सनु होला नि !

फूलपातिमा बजाउने बाजागाजा

कोटमा चढाउने बलि

कोटका दिने बडाइका लगि बारूद

तयार भयो होला!

गाउँमा कसको खसी ठूलो रहेछ?

गाउँमा डुलेर हेर्नू भयो होला

आफू त देशभित्रको परदेशी

मन गाउँमा, तन सहरमा

मनले खोजि रहेछ

अनउत्तरित प्रश्नका उत्तर

मलाइ बताइ दिनु न

कालरात्रीको नाच गान तयरी सुरू

भयो कि भएन?

खेतको गोडमेल

सकियो कि सकिएन ?

घर लिप्ने रातो माटो र कमेरो

घरघरमा आयो कि आएन?

अनि खोटो पाक्यो कि पाकेन ?

लिङ्गे पिङको लिङ्गा जङ्गल जङ्गल डुलेर

काटियो कि काटिएन?

बाब्बीय‍ो उठाउने जिम्मा कसले कसले पाए?

(चौडाले) चर्खे पिङका काठहरू

कुनकुन फेर्नु पर्ने छ?

हेरियो कि हेरिएन?

दसैं आयो रे

मेरो गाउँमा आयो कि आएन?

माछा मार्न आपु, खाल्टे र विर्दी खोलाको

पानी कम भयो कि भएन?

जङ्गलमा कटुस खोज्न

जाने सल्लाह भयो कि भएन?

अँ साच्चै

बारीमा बेलौती पाके ह‍ोलान

सुटुक्क लुकेर झोलामा टिप्नु भयो?

बारीका डिलमा बोडी फले होलान्?

थाक्रामा कसकसका घरमा

दसैंलाई साचेर राखिएका

पाकेर पट्पटी फुटेका

काक्राहरू हेर्नु भयो कि भएन?

यसपालि काक्रा चोरेर खाने

योजना यस पालि पनि छ होला नि?

सेल रोटी पकाउने

समग्री जम्मा भयो होला?

चिउरा कुटनी

अनि तेल पिसनी पनि भयो नि?

गाउँमा यसवर्ष कसकसको बिहे भयो?

कुरौनी घोट्न दूध जम्मा गरियो कि गरिएन?

म देशभित्रै परदेशी

मैले गाउँलाई खोजी रहेछु

मलाई गाउँले खोजेको छकि छैन?

मेरो आत्मीय मित्रलाई

शुभकाना दिदै लेखेको छु

उसले बुझ्ने छ

दसैंमा रमाइलो गर्ने हो

तडक भड्क छोड्ने हो

आफ्नो संस्कार मनाउने हो

घाँटी हेरेर हाँड निल्ने हो ।

लेखक ः रामजी आचार्य
रूपा -५ देउराली खडागाँउ
हाल गैँडाकोट -२ नवलपुर

सम्बन्धित समाचार

ज्ञानसागर एकेडेमीमा फागुन १० गते ‘ज्ञानसागर साहित्य महोत्सव’ हुने

राष्ट्र न्यूज सम्वाददाता फागुन ४, २०८१

पोखरा, ४ फागुन । ज्ञानसागर एकेडेमी पोखरा–२५ हेमजामा ज्ञानसागर साहित्य महोत्सव–२०८१ हुने भएको छ । सिर्जनशिलता र समालोचनात्मक चिन्तनःसमृद्ध भविष्यको…
गण्डकी प्रज्ञा–प्रतिष्ठानले प्रकटका कृति प्रकाशन गर्ने

राष्ट्र न्यूज सम्वाददाता वैशाख ७, २०८१

पोखरा ६ बैशाख । उपचारका क्रममा मंगलबार निधन हुनुभएका साहित्यकार प्रकट पंगेनी शिवका प्रकाशन हुन बाँकी रहेका कृति गण्डकी प्रज्ञा–प्रतिष्ठानले…
गण्डकी प्रदेशस्तरीय सांस्कृतिक संगोष्ठी

राष्ट्र न्यूज सम्वाददाता मंसिर ५, २०८०

पोखरा, ५ मंसिर । पोखरामा सम्पन्न दुई दिवसीय गण्डकी प्रदेशस्तरीय सांस्कृतिक संगोष्ठीका वक्ताले प्राचीन संस्कृति सङ्कटमा पर्दै गएकोमा चिन्ता व्यक्त…
भ्रष्टाचारबिरुद्ध डि–मर्चाले ल्यायो ‘भ्रष्टाचारीलाई किरा परोस्’ गीत

राष्ट्र न्यूज सम्वाददाता असाेज ५, २०८०

पोखरा, ५ असोज । पोखराको चर्चित डि–मर्चा व्याण्डले भ्रष्टाचार विरोधी गीत बजारमा ल्याएको छ । डि–मर्चाले ‘भ्रष्टाचारीलाई किरा परोस्’ बोलको…
नाटक ‘करेसा कन्सर्ट’ शनिवार मञ्चन हुने

राष्ट्र न्यूज सम्वाददाता श्रावण ४, २०८०

पोखरा, ४ साउन । नाटक ‘करेसा कन्सर्ट’ साउन ६ गते शनिवार पोखरामा मञ्चन हुने भएको छ । यस अगाडि ‘बुकिङ…