पोखरा, १ माघ । आज देशभर माघे संक्रान्ति पर्व मनाइँदैछ ।

यसदिन बिहानै जलाशयमा स्नान गर्नाले पुण्य प्राप्त हुने धार्मिक मान्यता रहेको छ । संक्रान्तिको दिन तरुल, सखरखण्ड, पिँडालु, वनतरुल, घ्यू, चाकु, तिलका परिकार, खिचडी खाने चलन छ । आजकै दिन उत्तरायण प्रारम्भ हुने भएकाले दिनभन्दा रात छोटा हुनेछन् ।

माघे संक्रान्तिको अवसरमा पोखरामा पनि विभिन्न संस्थाले मेला, महोत्सव जस्ता कार्यक्रम आयोजना गरेका छन् ।

माघे संक्रान्ति थारु र मगर समुदायले विशेष रुपमा मनाउने गरेपनि पछिल्लो समय यो पर्व सबैजसो मनाउने गरेको पाइन्छ ।