फागुन ,१९ पोखरा । पोखराको लामाचौरस्थित इन्जिनियरिङ्ग अध्ययन सस्थान पश्चिमान्चल क्याम्पसमा पहिलो पटक काठमाडौँ बाहिर शैक्षिक बर्ष २०७९÷०८० को सूचना प्रविधिको आधारमा कम्प्युटर परीक्षा प्रणालीको मार्फत् स्नातकोत्तर तह जिओम्यटिक्स बिषयको प्रवेश परीक्षा भएको छ ।

यो पटक जिओम्यटिक्स बिषयमा स्नातकोत्तर तह अध्ययन गर्न चाहने बिद्यार्थीका लागि उक्त परीक्षा केन्द्रमा व्यवस्था मिलाइएको क्याम्पस प्रमुख ई. निर्मल प्रसाद बरालले जानकारी दिनुभयो ।

आगामी दिनमा स्नातक तथा स्नातकोत्तर तहका अन्य बिषयहरू अध्ययन गर्न चाहने बिद्यार्थीहरूका लागि पनि प्रवेश परीक्षा दिन व्यवस्था मिलाउन आवश्यक प्राविधिक तयारी पूरा भएको उहाँको भनाइ थियो ।

इन्जिनियरिङ्ग अध्ययन संस्थान अन्तर्गतका आंगिक तथा सम्बन्धन प्राप्त क्याम्पसहरुमा अध्ययन गर्न चाहने बिद्यार्थी प्रवेश परीक्षा दिन काठमाडौँ जानुपर्ने बाध्यता हटेको छ ।