पोखरा,१७ जेठ।पोखरा उद्योग वाणिज्य संघले लमजुङको क्होंलासोथर गाउँपालिकाको गिलुङमा आफ्नो १२ औं कार्यसमिति बैठक गरेको छ ।
ग्रामीण पर्यटन तथा घरबास कार्यक्रमको प्रवद्र्धन एवं स्थानीय उत्पादनको बजारीकरणको सम्भावना खोजीको लागि संघले क्होंलासोथर ९, गिलुङलाई बैठकस्थल छानेको अध्यक्ष पवनकुमार प्रजापतिले बताउनुभयो ।
‘तीनवटै तहका सरकारले ग्रामीण पर्यटन प्रवद्र्धनलाई प्राथमिकता दिएका छन्,हामी सरकारसँगै सहकार्य गर्ने सामाजिक संस्था हौं,’ अध्यक्ष प्रजापतिले भन्नुभयो,‘सरकारी अभियानलाई सघाउन तथा ग्रामीण उत्पादनहरुको बजारीकरणको सम्भावना खोज्ने उदेश्यले बैठक स्थल नै गाउँ छानिएको हो ।’
बैठकको क्रममा जनप्रतिनिधि, स्थानीयबासी र आमा समूहसँग अन्तरक्रिया तथा सहरी क्षेत्रमा खपत हुनसक्ने स्थानीय उत्पादनबारे जानकारी लिइएको अध्यक्ष प्रजापतिको भनाइ छ ।
कार्यसमिति बैठकमा सहभागी संघका सल्लाहकार तथा नेपाल उद्योग वाणिज्य महासंघका समेत पूर्वअध्यक्ष आनन्दराज मुल्मीले उद्योगी÷व्यवसायीहरुले ग्रामीण भेगको जनजीवन, आवश्यकता र त्यहाँका उत्पादन एवं सम्भावनाबारे जानकारी राख्नुपर्ने बताउनुभयो ।
क्होंलासोथर ९ का वडाध्यक्ष हुमराज गुरुङले शिक्षा,स्वास्थ्य र रोजगारी सिर्जनामा पालिकाहरुले विशेष जोड दिएको बताउँदै ग्रामीण पर्यटन प्रवद्र्धनको लागि संस्थागत भ्रमणहरु फलदायी हुने उल्लेख गर्नुभयो ।
गिलुङ–पोखरा सम्पर्क समितिका अध्यक्ष आशिष गुरुङले गुरुङ संस्कृतिको अनुपम थलो गिलुङ पर्यटकहरुको स्वागत गर्न आतुर रहेको बताउँदै मौलिक गुरुङ संस्कृति अध्ययन अवलोकन गर्नेहरुका लागि गिलुङ उत्तम थलो भएको बताउनुभयो ।
पोखरा उद्योग वाणिज्य संघका वरिष्ठ उपाध्यक्ष गोकर्ण कार्कीले गाउँमा पछिल्लो समय बनेका पूर्वाधारको सही सदुपयोग गर्दै पालिकाहरुले गाउँलेलाई उत्पादनसँग जोडनुपर्नेमा जोड दिनुभयो ।
लमजुङ उद्योग वाणिज्य संघका उपाध्यक्ष मृगेन्द्र घिमिरेले पोखरा उद्योग वाणिज्य संघले बोर्ड बैठक थलो गिलुङ तय गरेकोमा आभार व्यक्त गर्दै स्थानीय उत्पादनको बजारीकरणको लागि दुई उद्योग वाणिज्य संघबीच सहकार्य गरिने बताउनुभयो ।
संघका वाणिज्यतर्फका उपाध्यक्ष उत्तममान बुद्धाचार्यले मौलिक संस्कृति जोगाउन गाउँलेहरुसँग आग्रह गर्नुभयो ।
महासचिव बलराम आचार्यले स्थानीयका परम्परागत उत्पादनहरुको बजारीकरणमा संघले सघाउने वचन दिनुभयो ।
उपमहासचिव शोभा गौतमले बजारको माग हेरेर महिलाहरुलाई उद्यमशील बनाउन पालिकालाई सुझाव दिनुभयो ।
Related News
सम्बन्धित समाचार
हेमजाको तीज मेलामा कमल जौशी समूह प्रथम
भगवान् कृष्ण सबैको आास्थाको केन्द्र – प्रदेश प्रमुख भट्ट
कुँडहर सहकारी र मणिपाल अस्पताल बीच सम्झौता
कास्की काँग्रेसले भेट्यो राष्ट्रपति सहित नौ मन्त्री
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
Archives
Archives