पोखरा, १ असार । लियो क्लब अफ पोखरा नर्थको आयोजनामा कास्कीको माछापुच्छ्रे गाउँपालिका –१, खहरेटोल स्थित शारदा माध्यमिक विद्यालयमा निःशुल्क दन्त शिविर गरिएको छ ।
कान्तिपुर डेन्टल हस्पिटल न्युरोडको प्राविधिक सहयोगमा भएको दन्त शिविरमा विद्यालयका छात्रा–छात्र,शिक्षक–शिक्षिका गरी एक सय ९५ जनाले दाँतको स्वास्थ्य अवस्था जाँच गरिएको थियो ।
परिक्षण गराएका मध्य १० प्रतिशतमा स्केलिङ, आर.सि.टि, दाँत झिक्नुपर्ने, दाँत भर्नु पर्ने, समस्याहरु देखिएको र अन्यको दाँतको स्वास्थ्य अवस्था सामान्य रहेको कान्तिपुर डेन्टलका सि.ई.व प्रतिकमान श्रेष्ठले जानकारी दिनुभयो ।
पब्लिक हेल्थ अफिसर आयुशा अधिकारीले दन्त शिविरमा परिक्षण गराएका विरामीलाई अस्पताल जाँदा १५ प्रतिशतसम्म छुट दिने घोषणा गर्नुभएको थियो ।
सोहि अवसरमा विद्यालयका प्रधानाध्यापक चाहना पुनले विद्यार्थीको दंन्त स्वास्थ्य परिक्षण सहितको जनचेतना कार्यक्रम गरी सहयोग गर्नुभएकोमा धन्यवाद व्यक्त गर्नुभयो ।
रेडियो हेमजाका स्टेशन म्यानेजर एंव लियो क्लब अफ हेमजाका अध्यक्ष निराजन अधिकारीले विद्यार्थीहरु शैक्षिक निरन्तरता साथ नेतृत्व र व्यक्तित्व विकाससँगै सामाजिक कार्यमा लाग्नुपर्नेमा जोड दिनुभयो ।
क्लबका अध्यक्ष मनिष तिम्सिनाको अध्यक्षतामा भएको कार्यक्रममा लियो प्लेज सिद्धार्थ सापकोटाल,े ध्वजाको अभिवादन स्वस्थिका बरालले साथै सहजिकरण क्लबका प्रथम उपाध्यक्ष अनिष दाहालले गर्नुभएको थियो ।
Related News
सम्बन्धित समाचार
गर्मीयाम शुरु हुदै छ सवै सचेत हुनुहोस्, रुपामा वन डढेलो नियन्त्रणको पूर्व अभ्यास
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न