पोखरा, १५ असार । एन प्याव्सन कास्कीले आयोजना गरेको अन्तरविद्यालय स्तरीय वादविवाद प्रतियोगितामा कास्की मोडनाइज्ड एकेडेमीका अनिल महत प्रथम हुनुभएको छ ।
प्रतियोगितामा अक्सफोर्ड सेकेण्डरीका गौरभ आचार्य र त्रिवेणी पब्लिक स्कूलकी निष्मा गुरुङ द्धितीय, रत्नज्योति सेकेण्डरी स्कूलकी श्रिया गिरी तृतीय तथा अञ्जली आवासिय विद्यालयका प्रमिश अधिकारी र ज्ञानज्योति विद्याकुञ्जकी जेशिका गुरुङ सान्त्वना हुनुभयो ।
विजयी विद्यार्थीलाई एन प्याव्सनका केन्द्रीय उपाध्यक्ष यम खड्का, एन प्याव्सन कास्कीका अध्यक्ष हेमन्त अधिकारी, कार्यक्रम संयोजक प्रेमराज अधिकारी, सदस्य रमेशराज पौडेलले ट्रफी प्रमाणपत्र वितरण गर्नुभएको थियो ।
प्रतियोगिताको निर्णायकमा शशिधर वराल, मदन वराल र भुमिराज पण्डित हुनुहुन्थ्यो । एन प्याव्सनमा आवद्ध विद्यालय वीच भएको उक्त प्रतियोगितामा ३१ विद्यालयको सहभागिता रहेको थियो ।
कार्यक्रममा बोल्दै प्रमुख अतिथि जिल्ला शिक्षा समन्वय इकाइ कास्कीका प्रमुख लोकनाथ आचार्यले विद्यार्थीका अन्तरनिहित प्रतिभा उजागर गर्न यस्ता कार्यक्रमहरु कोषेढुङ्गा सावित हुने बताउनुभयो ।
एन प्याव्सन कास्कीका अध्यक्ष हेमन्त अधिकारीको अध्यक्षतामा भएको कार्यक्रममा सचिव मनकाजी गुरुङ, सहकोषाध्यक्ष तथा सहक्रियाकलप प्रमुख राजु केसी, सदस्य तोलाकन्त न्यौपानेले बोल्नुभएको थियो ।
Related News
सम्बन्धित समाचार
गर्मीयाम शुरु हुदै छ सवै सचेत हुनुहोस्, रुपामा वन डढेलो नियन्त्रणको पूर्व अभ्यास
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न