पोखरा, ७ माघ । नेपाली काँग्रेस गण्डकी प्रदेशको प्रवत्तामा पोखराका नेता माधव प्रसाद बास्तोला ‘मधु’ मनोनित हुनुभएको छ ।

प्रदेश सभापति शुक्रराज शर्माको अध्यक्षतामा बसेको पदाधिकारी बैंठकले उहाँलाई प्रवत्ता मनोनित गरेको हो ।

पोखरा ११ फूलबारी निवासी बास्तोला नेपाली काँग्रेस क्षेत्र नं २ कास्कीको दुई कार्यकाल क्षेत्रीय सभापति भएर काम गरिसक्नु भएको छ ।

उहाँले पोखरा ११ मा दुई कार्यकाल नेपाली काँग्रेसको वडा इकाइ सभापति र २०५४ देखि २०५९ सालसम्म जनप्रतिनिधिका रुपमा वडाध्यक्ष भएर काम गर्नुभएको थियो ।

प्रतिवन्धित कालदेखि नै काँग्रेसको राजनीतिमा सक्रिय उहाँ इमान्दार, निष्ठावान नेताको रुपमा परिचित हुनुुहुन्छ । प्रवत्ता बास्तोालले पार्टीको संगठन विस्तार र जनताको सेवामा सदैव समर्पित भएर अघि बढ्ने प्रतिवद्वता व्यक्त गर्नुभएको छ ।