पोखरा, १९ असार । ईश्वरीय मार्ग भजन मण्डल सच्चाइ केन्द्र नेपाल पोखरा १३ काँहुखोला शाखाले शनिवार सम्मान कार्यक्रम गरेको छ ।

केन्द्रले पोखरा महानगरपालिका वडा नं १३ मा निर्वाचित जनप्रतिनिधि, सल्लाहकार र पत्रकारहरुलाई सम्मान गरेको हो ।

शाखाका प्रमुख राजकुमार खत्री र उपप्रमुख लक्ष्मी खत्रीलगायतले सम्मान पत्र सहित माला लगाईदिएर सम्मान गर्नुभएको थियो ।

सम्मानित हुनेहरुमा पोखरा १३ का वडाअध्यक्ष किरण बराल, सदस्यहरु बल बहादुर बराल, रजनी परियार र सुचित्रा तामाङ हुनुहुन्छ ।
त्यस्तै सल्लाहकारहरु टंक भट्टराई, नवीन सिग्देल र पत्रकार शोभाकान्त सिग्देललाई सम्मान गरिएको छ ।

कार्यक्रममा शाखाका प्रमुख राजकुमार खत्रीले आध्यात्मिक चिन्तनमा शक्ति हुने बताउनुभयो ।

उपप्रमुख लक्ष्मी खत्रीले शुद्व मनले गरिने कर्मबाट फल प्राप्त हुने र मानवीय जीवनका लागि आनन्द र शान्ति आवश्यक रहेको उल्लेख गर्नुभयो ।