पोखरा, १२ पुस। कविशिरोमणि लेखनाथ पौड्यालको १३९ औं जन्मजयन्तीको अवसरमा तीन दिवसीय कार्यक्रम आयोजना गरिने भएको छ।

पहिलो दिन पुस १३ गते पोखरा २७ स्थित प्रतिमाचोक, तरुण तपसी पार्क र कविशिरोमणि जन्मस्थल सरसफाई र विद्यालयस्तरीय स्थलगत कविता लेखन तथा वाचन प्रतियोगिता गरिने छ।

दोस्रो दिन पुस १४ गते पोखरा २७ स्थित विद्यालयका विद्यार्थीबिच कविता प्रतियोगिता गरिने छ ।

तेस्रो दिन पुस १५ गते लेखनाथ प्रतिमामा माल्यार्पण र मूल समारोह गरिने लेखनाथ साहित्य प्रतिष्ठानका अध्यक्ष पदमराज ढकालले जानकारी दिनुभयो।