पोखरा, ३० जेठ । पोखरामा आयोजना भएको गण्डकी प्रदेश स्तरीय प्रथम पुरुष हक्क प्रतियोगीतामा कास्की प्रथम भएको छ ।
फाइनल खेलमा कास्कीले तनहुँलाई १ – ० गोल अन्तरले हराएर उपाधी चुमेको हो । निर्धारित समयमा २–२ को बराबरी भएपछि खेल टाइब्रेकरमा धकेलिएको थियो । टाइब्रेकरमा दुवैतर्फबाट १–१ को बराबरी पछि भएको सडेनडेथमा कास्कीले बाजी मारेको हो ।
प्रदेश खेलकूद परिषद, गण्डकीको आयोजना तथा कास्की जिल्ला हक्की संघको व्यवस्थापनमा भएको उक्त प्रतियोगितामा तनहुँ कास्की स्याङ्जा, पर्वत, बाग्लुङ्गको सहभागिता रहेको थियो ।
प्रतियोगितामा प्रथम, द्वितीय हुनेले क्रमशः २० हजार र १० हजार सहित शिल्ड, मेडल र प्रमाणपत्र प्राप्त गर्नुका साथै सान्त्वना पुरस्कार स्वरुप सम्पुर्ण सहभागी टिमलाई पाँच÷पाँच हजारका दरले पुरस्कृत गरिएको छ ।
कार्यक्रम गण्डकी प्रदेश सभा सदस्य प्रकाश बरालको प्रमुख आतिथ्यतामा भएको हो ।
कास्की जिल्ला हक्की संघका अध्यक्ष मिलन केसीको सभापतित्व भएको कार्यक्रम राजन पौड्यालले संचालन गर्नुभएको थियो ।
Related News
सम्बन्धित समाचार
माछापुच्छे क्रिकेट क्लव पोखरा महानगरपालिका टि–२० क्रिकेट प्रतियोगिताको फाइनलमा
माछापुच्छे गाउँपालिका अध्यक्ष कप भलिबल प्रतियोगिताको उपाधि गलकोटलाई, महिला तर्फको उपाधि शान्ता भलिवललाई
माछापुच्छे गाउँपालिका अध्यक्ष कप भलिबल प्रतियोगिताको तयारी पुरा, प्रतिययोगिता भोलिदेखि
कास्कीको सिधिङमा साविक वडा स्तरीय खुल्ला पुरुष भलिबल प्रतियोगिता जारी
टाइगर कप भलिबलः फाइनल खेल आज हुने