अंग्रेजी नयाँ वर्ष २०२५ को अवसर पारेर लोक दोहोरी गायक विजय केसीले नयाँ लोक गीत ‘दायाँ पनि छौं बायाँपनि छौ’ सार्वजनिक गरेका छन् ।
आफ्नै यूट्यूव च्यानल विजय केसी अफिसियल मार्फत सार्वजनिक गीतले दर्शक श्रोताको राम्रो साथ पाइरहेको छ । रमेश परियारको शब्द, लय रहेको गीतमा गायक केसीलाई शान्ति श्री परियारले आवाजमा साथ दिएकी छन् ।

प्रेमिल जोडीले आफ्ना प्रेमी–प्रेमिकासँग गर्ने वार्तालापलाई निकै रोमाञ्चक शैलीमा तयार पारिएको गीतमा करिश्मा ढकाल र प्रभात पल ठकुरीको अभिनय रहेको छ । म्यूजिक भिडियोलाई विशाल घिमिरेले निर्देशन गरेका हुन् ।
स्यामस्वेत रसाईलीको संगित संयोजन रहेको गीतलाई टिकटकमा समेत निकै रुचाईएको छ । अष्ट्रेलियालाई कर्मथलो बनाइरहेका गायक केसीका यसअघिपनि थुप्रै चर्चित लोक गीहरु सार्वजनिक भइसकेका छन् ।