पोखरा, १२ साउन । लायन्स क्लब अफ पोखरा माउण्टेन भ्यू सिटीले पोखरा महानगरपालिका वडा नं २४ कास्कीकोटमा शनिवार बृक्षरोपण गरेको छ ।
स्थानीय कालिका मावि परिषरमा आयोजित कार्यक्रममा विभिन्न प्रजातिका ७० बिरुवा रोपिएको छ । हालै स्थापना भएको क्लबले बृक्षरोपणबाट आफ्नो कार्य शुरु गरेको हो ।
रिजन चेयर पर्सन शिव श्रेष्ठले क्लबका अध्यक्ष टिकाराम ‘माधव’ सुवेदीलाई बिरुवा हस्तान्तरण गरी कार्यक्रम शुभारम्भ गरेका थिए । कार्यक्रममा रिजन चेयर पर्सन श्रेष्ठले लायन्सले समाजको आवश्यकता हेरी त्यसै अनुरुपका काम गर्दै आएको बताए ।
जोन चेयर पर्सन दीपक घिमिरेले यसवर्ष लायन्सले वातावरण संरक्षणका लागि सरकारसँग सहकार्यको तयारी गरेको उल्लेख गरे ।
विद्यालयका प्रधानाध्यापक ईश्वरीप्रसाद बस्ताकोटीले विद्यालयका लागि सहयोग जुटाईदिन आग्रह गरे ।
डिष्टिक कमिटी मेम्बर मिनराज काफ्लेले सवैको सरोकारको क्षेत्र वातावरण सम्वन्धी गतिविधिबाट आफ्ना कार्य शुरु गरेकोमा क्लबको भविष्य उज्वल रहेको बताए ।
लायन्स क्लब अफ पोखरा माउण्टेन भ्यू सिटीका अध्यक्ष टिकाराम ‘माधव’ सुवेदीको अध्यक्षतामा भएको कार्यक्रममा प्रथम उपाध्यक्ष बलराम आचार्य, द्वितिय उपाध्यक्ष हरिप्रसाद अधिकारी र सचिव माधव तिमिल्सिना बोलेका थिए ।
Related News
सम्बन्धित समाचार
गर्मीयाम शुरु हुदै छ सवै सचेत हुनुहोस्, रुपामा वन डढेलो नियन्त्रणको पूर्व अभ्यास
ढिकुरपोखरी सामाजद्धारा विद्यालय तथा संस्थालाई सहयोग
हेम्जा आवासीय विद्यालयमा पुरस्कार वितरण कार्यक्रम
सामुदायिक सेवा एवम् सामुदायिक प्रहरी सेवा जिल्ला समन्वय समितिको अध्यक्ष पुनः भिम
पोखरा महानगरपालिकाको १६ औँ नगर सभा सम्पन्न