पोखरा, १० चैत । मेची महाकाली बुहारी संयुक्त आवाजले वालिङ नगरपालिकास्थित नेपाल आदर्श माविमा राष्ट्रिय खेलाडी अस्मिता रन्पाललाई सहयोग गरेको छ ।

संंस्थाले उनलाई ५० हजार रुपैयाँको चेक हस्तान्तरण गरेको छ । त्यस्तै विद्यालयका ४५ जना विद्यार्थीलाई स्टेशनरी सामग्री वितरण गरिएको छ ।

खेलाडीलाई प्रोत्साहन गर्न महाकाली संयुक्त आवाजले रम्पाललाई सहयोग गरेको बाग्मती प्रदेश संयोजक विनिता अधिकारीले जानकारी दिइन् ।

विद्यालयका प्रधानाध्यापक होमकान्त गौतमको अध्यक्षतामा भएको कार्यक्रममा वालिङ नगरपालिकाका मेयर दिलीपप्रताप खाँड र उपमेयर कल्पना तिवारीले अस्मितालाइ सहयोग गर्ने प्रतिवद्धता व्यक्त गरेका थिए ।