पोखरा, ५ जेठ । गण्डकी प्रदेशमा मन्त्रिमण्डल विस्तार भएको छ ।
मुख्यमन्त्री पृथ्वीसुब्बा गुरुङले पहिलेकै मन्त्रीलाई नियुक्त गरेसँगै प्रदेश प्रमुख सीता कुमारी पौडेलले सपथ खुवाउनु भएको छ । मुख्यमन्त्री गुरुङको उपस्थितिमा प्रदेश प्रमुखले आज ४ जनालाई सपथ खुवाउनु भएको हो ।
आर्थिक मामिला तथा योजना मन्त्री किरण गुरुङसँगै थप ३ मन्त्रीले सपथ ग्रहण गर्नुभएको छ । रामशरण बस्नेत, विकास लम्साल र नरदेवी पुनले बिना विभागीय मन्त्रीका रुपमा सपथ खानु भएको छ ।
मन्त्रीमा नियुक्त राजीव गुरुङ (दीपक मनाङे) भने सपथमा सहभागी हुनु भएन । उहाँ काठमाण्डौं भएकाले आउनु भएन ।
वैशाख २६ मा राजीनामा दिनु भएका मुख्यमन्त्री गुरुङ २९ गने पुन नियुक्त हुनु भएको थियो । कोरोनाले आइसोलेसनमै रहेका कारण मन्त्रिमण्डल विस्तारमा ढिलाइ भएको हो । मन्त्रिमण्डल विस्तारसँगै मुख्यमन्त्रीले प्रदेशमा मन्त्रालय थप्ने बताइएको छ ।
सत्ता टिकाउनका लागि सामाजिक विकास मन्त्रालय फुटाएर राजीव गुरुङ (दीपक मनाङे) लाई मन्त्री बनाउनु भएका मुख्यमन्त्री पृथ्वीसुब्बा गुरुङले कम्तीमा १० वटा मन्त्रालय बनाउने तयारीमा रहेको बताइएको छ । हाल प्रदेशमा ८ मन्त्रालय छन् ।
Related News
सम्बन्धित समाचार
हेमजाको तीज मेलामा कमल जौशी समूह प्रथम
भगवान् कृष्ण सबैको आास्थाको केन्द्र – प्रदेश प्रमुख भट्ट
कुँडहर सहकारी र मणिपाल अस्पताल बीच सम्झौता
कास्की काँग्रेसले भेट्यो राष्ट्रपति सहित नौ मन्त्री
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
Archives
Archives